У нядзелю, 2 чэрвеня, у беларускім Замку пакажуць монаспектакль паводле кнігі Святланы Алексіевіч «Час Second-hand».
Дата: 2 чэрвеня
Час: 20.00 (час мясцовы)
Месца: Замак, Naujoji Riovoniu, 10 (2 паверх), Вільня
У выкананні Алены Дудзіч гісторыя забароненага кахання атрымала назву «Пра Рамэа і Джульету... толькі звалі іх Маргарыта і Абульфаз», таму што спектакль распавядае пра генацыд армян у Баку, калі азербайджанец Абульфаз не можа жыць у законным шлюбе са сваім «ворагам», армянкай Маргарытай, каханнем яго жыцця і маці яго ненароджанага пакуль дзіцяці.
Рэжысура, сцэнаграфія, музычнае афармленне, выканаўца галоўнай ролі — Алена Дудзіч.
Спектакль будзе паказаны на дабрачыннай аснове для дапамогі рэпрэсаваным беларусам і беларусам, якія ваююць за Украіну.
Данаты вітаюцца.
