26 мая ў мінскім Палацы культуры імя Шарко ў межах сольнага канцэрта Зміцер Вайцюшкевіч і WZ–Orkiestra выканаюць лепшыя песні на вершы паэта Генадзя Бураўкіна – аднаго з галоўных лірыкаў беларускай паэзіі.
Першае супрацоўніцтва Вайцюшкевіча з Бураўкіным адбылося акурат дзесяць год таму –тады выйшаў альбом «Лірыка», цалкам напісаны на вершы паэта. Паздней Зміцер ствараў з Генадзем Мікалаевічам кампазіцыі для альбомаў «Тое, што трэба» (2008), «Варанок» (2013), «Наша песня» (2015). Былі і неальбомныя творы – напрыклад, песня «Дакачайся, матуля», якая і дала назву праграме.
– Я шмат працаваў з рознымі паэтамі. Для мяне на фоне іншых Генадзь Бураўкін выдзяляеца спалучэннем прастаты і глыбіні. Тыя ж «Калыханка», «Месяц – жоўтая лодка» или «Дачакайся матуля» – гэта праніклівая лірыка з вельмі тонкім адчуваннем слова, – кажа Вайцюшкевіч. – А яшчэ Генадзь Мікалаевіч адзіны, хто мне тэлефанаваў пасля канцэрта і за нешта хваліў, за нешта рабіў заўвагі. Ён па-бацькоўску курыраваў мяне. Зараз такога няма і больш не будзе.
Паэт Генадзь Бураўкін пайшоў з жыцця амаль тры гады таму – 30 траўня 2014 года.
Зміцер Вайцюшкевіч і WZ-Orkiestra
з праграмай «Дачакайся, матуля» – песні на вершы Г.Бураўкіна
26 мая – Палац культуры імя Шарко (вул. Уральская, 3). Пачатак у 19.00
Квіткі ад 18 руб. Продаж: у касах і на сайтах Kvitki.by, Bezkasira.by, Smsbilet.by.
Інфалінія: +375 33 661 14 32
