Дзень Роднай мовы з Хадановічам у Лондане
24.02.2024
14:00 - 18:00
Скарынаўская бібліятэка (37 Holden Road)
Бясплатнае
24 лютага Англа-беларускае таварыства сардэчна запрашае на традыцыйнае святкаванне Міжнароднага дня роднай мовы ў Лондане.
Сёлетні Дзень роднай мовы прыпадае на другую гадавіну вайны ва Ўкраіне і прысвячаецца гераічнаму змаганню ўкраінскага народа за свабоду і захаванне сваёй палітычнай і культурнай ідэнтычнасці.
Госцем будзе Андрэй Хадановіч, вядомы паэт і перакладнік. На сустрэчы ў падтрымку ўкраінскага народу будуць прачытаныя вершы Сяргія Жадана, а таксама арыгіналы вершаў на розных мовах у перакладах Андрэя Хадановіча і ягоную ўласную паэзію. Будуць і спевы – песні, перакладзеныя знакамітым госцем на беларускую мову: «Разбуры муры турмы», «Чуеш як ідзе народ?», «Алілюя», «The Fields of Athenry...».
Удзельнікі сустрэчы змогуць набыць зборнікі паэзіі і перакладаў Андрэя Хадановіча.
А 17:30 у Царкве Святога Кірылы Тураўскага і ўсіх святых заступнікаў беларускага народу адбудзецца паніхіда па загінулых падчас вайны.
Дата: 24 лютага
Час: 14:00 (час мясцовы)
Месца: Скарынаўская бібліятэка, 37 Holden Road, London
Уваход: па рэгістрацыі, бескаштоўны, але вітаюцца ахвяраваньні Англа-беларускаму таварыству.
