Дзмітрый Строцаў на дабрачынным кватэрніку ў Стакгольме
Пачатак: 31.03 (18:30)Канец: 31.03 (21:30)
31 сакавіка беларускі паэт Дзмітрый Строцаў будзе чытаць свой вершаваны эпас «Манах Вера» на кватэрніку ў Стакгольме.
Дата: 31 сакавіка
Час: 18.30 (час мясцовы)
Месца: Ivan Oljelunds gränd 1, Стакгольм
Гэты кватэрнік планавалася правесці ў сакавіку гэтага года ў Кіеве. Пакуль ён пройдзе ў Стакгольме.
«Манах Вера» — нешта накшталт абяцання, якое яшчэ не было пачута, але ўжо спраўдзілася. Гэта першы тэкст, напісаны па-руску і звернуты не да мінулага ці сучаснасці, але наўпрост у будучыню, які існуе для заўтрашняга чытача і новага свету: постсавецкага, посткультурнага, постапакаліптычнага, пасмяротнага і па-новаму жывога. Калі ў гэтага свету павінен быць гамераўскі эпас — зараз ён ёсць», — адзначае паэтка Марыя Сцяпанава.
Любы матэрыяльны ўнеёсак вітаецца. Усе грошы пойдуць на куплю патрэбных рэчаў уцекачам з Украіны.
Колькасць месцаў абмежаваная. Неабходны запіс праз фэйсбук-старонку арганізатара — стакгольмскай кнігарні «Interbok».
