Полацкі фальклорны гурт “Варган” аб’яднаў людзей, зацікаўленых традыцыйнай культурай беларусаў. Калектыў займаецца вывучэннем і аднаўленнем беларускай традыцыйнай творчасці: песеннай, танцавальнай, інструментальнай. Прынцыповая пазіцыя ўдзельнікаў гурта – імкненне да пераняцця аўтэнтычнай, арыгінальнай манеры выканання. “Варган” прымае удзел у разнайстайных культурных мерапрыемствах, рэканструкцыі абрадавых дзеяў, праводзіць спеўныя і танцавальныя вечарыны.
20 кастрычніка удзельнікі гурта прадставяць у Віцебску альбом «Зялён явар, дуброва. Музыка Полаччыны». Гэта першы студыйны альбом гурта. Ён змяшчае 18 трэкаў, сярод якіх песні, танцы і нават “цярэшкі”. Усе песні і інструмэнтальныя кампазыцыі з рэлізу некалі гучалі на тэрыторыі Полаччыны на працягу гадавога каляндарнага кола.
Акром таго ўдзельнікі гурта правядуць майстар-клас па беларускіх народных танцах.
Прэзентацыя альбома гурта “Варган” (фота)
Спецыяльны госць Прэзентацыі – Сяржук Доўгушаў. Чакаем усіх 20 кастрычніка а 17.00 па адрасе г. Віцебск, вул. Кастрычніцкая, 2 (арт-цэнтр vzap).
Кошт квіткоў на ўваходзе – 6 рублёў. Папярэдне – 4 рублі.
Квіткі можна набыць у арганізатара ці ў салоне “Дар’я”, вул. Ленiна, 19 (9:00-21:00)
Інфармацыя па тэлефоне +375 33 645 23 55 (Дар’я)
