Канферэнцыя «Узаемаразуменне дзеля дыялогу: польскае і беларускае грамадствы ў 2020-22 гг.» у Варшаве
27.10.2022 - 28.10.2022
11:00 - 18:00
Беларускі інстытут стратэгічных даследаванняў (Nowy Świat 72)
Бясплатнае
27 і 28 кастрычніка ў Варшаве праходзіць канферэнцыя «Узаемаразуменне дзеля дыялогу: польскае і беларускае грамадствы ў 2020-22 гг.».
Дата: 27 і 28 кастрычніка
Час: з 11.00 да 18.00 (час мясцовы)
Месца: Беларускі інстытут стратэгічных даследаванняў, Nowy Świat 72, Варшава
Прадстаўнікі акадэмічнай і экспертнай супольнасці Польшчы і Беларусі абмяркуюць вось якія тэмы:
Беларусы ў 2020 і 2022 годзе: што змянілася ў пратэсных настроях пад час рэпрэсій і з пачатку вайны, як мяняецца грамадства?
Беларусь у цэнтры геапалітычнага супрацьстаяння: якія актуальныя палітычныя тэндэнцыі і выклікі стаяць перад грамадствам, уладай, дэмакратычнай апазіцыяй?
Беларусы на радзіме і ў эміграцыі: якія стасункі звязваюць “раздзеленае” грамадства і як беларускім дыяспарам наладжваць прадуктыўны дыялог з суседнімі народамі?
Польскае грамадства і змены публічнай думкі: як падзеі ў Беларусі, мігранцкі крызіс і вайна ва Украіне ўплываюць на стаўленне палякаў да суседніх народаў і вымушаных мігрантаў?
Польска-беларускія стасункі і візія сумеснай будучыні: якія стратэгічныя мэты і задачы павінны стаяць перад інтэлектуальнымі і палітычнымі коламі народаў двух краін, каб закласці падмурак прадуктыўнай супрацы ў будучыні?
Плануецца праца 4 панэляў з выступамі экспертаў, а таксама тэматычныя круглыя сталы і падагульняючая дыскусія.
Суарганізатары: IFIS PAN (Варшава), Інстытут палітычных даследаванняў «Палітычная сфера» (Вільня-Мінск), BISS – Беларускі інстытут стратэгічных даследаванняў (Вільня).
Прыходзьце паслухаць!
