У сераду, 25 студзеня гісторык і музеёлаг Аляксандр Гужалоўскі чытае ў Мінску лекцыю «Нараджэнне беларускага музея: калекцыянаванне на Беларусi ад Сярэднявечча да ХХ стагоддзя».
Дата: 25 студзеня
Час: 19.00 (час мясцовы)
Месца: Арт Фабрыка, вул. Свярдлова, 2, Мінск
На беларускiх землях у XVI-XX стст. iснавала мноства разнастайных калекцый, з’яўляліся прафіляваныя навуковыя калекцыі, шмат калекцый былі адкрыты для вольнага агляду.
А што мы ведаем пра гэтыя калекцыі і іх збіральнікаў? Хто яны? Што збіралі? Працы якіх беларускіх і еўрапеўскіх мастакоў мелі ў калекцыях? Як склаўся лёс іх збораў? Як з часам мяняліся склад, сэнс і значэнне калекцый?
Далучайцеся да лекцыі, каб адказаць на гэтыя пытанні разам з Аляксандрам Гужалоўскім, беларускім гісторыкам, педагогам, прафесарам кафедры этналогіі, музеялогіі і гісторыі мастацтваў БДУ.
Квіткі коштам 65 рублёў можна набыць па спасылцы.
