29 красавіка падчас фестываля «Па суседстве/Побач. Незалежнае мастацтва з Беларусі» рэжысёрка Валянціна Мароз прадставіць працу Лабараторыі сацыяльнага тэатра, якая асвятляе сацыяльныя і выцесненыя з публічнай прасторы праблемы ў Беларусі.
Дата: 29 красавіка
Час: 18.00 (час мясцовы)
Месца: Hellerau, Karl-Liebknecht-Str. 56, Дрэздэн
Лабараторыя сацыяльнага тэатра была заснавана ў 2017 годзе пад кіраўніцтвам рэжысёркі Валянціны Мароз у Еўрапейскім каледжы свабодных мастацтваў (ELCAB) у Беларусі.
Да гэтага часу Лабараторыя паставіла спектаклі «11. Красавік» пра тэракт у Мінскім метро, «Мы тут жывем» пра сацыяльную, фінансавую і гендарную дыскрымінацыю ў Беларусі і спектакль «Родныя людзі» — дакументальны праект на тэму хатняга гвалту, які у Беларусі замоўчваецца.
