Лямпавы кінафэст «Без папкорна» ў Касарычах

29.07.2022 - 03.08.2022 16:00 - 19:00 (Глускі раён, Магілёўская вобл.) Бясплатнае

29 ліпеня ў арт-вёсцы Касарычы, што пад Глускам, стартуе кінафэст стужкавага кіно «Без папкорна». Урачыстае адкрыццё — а 16-й.

Дата: з 29 ліпеня па 3 жніўня

Месца: вёска Касарычы, Глускі раён, Магілёўская вобл.

Цягам пяці дзён тут будуць паказваць класіку кіно і гаманіць пра фільмы.

Вы паглыбіцеся ў атмасферу кінатэатраў сярэдзіны-канца 20 стагоддзя: кіназала і кінатэхніка, гук, крэслы і вядома, фільмы на 35 мм плёнцы.

У праграме кінапаказаў дзіцячыя, дзённыя і дарослыя, вячэрнія сеансы.

На працягу кінафэсту будзе адкрыта выстава кінатэхнікі 20 стагоддзя.

Штодзень у клубе будуць праходзіць майстар-класы, ворк-шопы, лекцыі.

Спыніцца на ўсе пяць дзён можна ў хатах у вёсцы альбо ў намёце на беразе ракі.

Праграму глядзіце ў суполцы вёскі Касарычы і прыязджайце! Уваход вольны, усе сеансы бясплатныя!

дадаць у google каляндар

Вам можа быць цікава