21 траўня (чацвер) ў галерэі сучаснага мастацтва «Ў» (пр. Незалежнасці, 37А) у межах выставы «Сацыяльная рашотка» адбудзецца лекцыя сацыяльнага аналітыка праекта, Аляксандра Сарны, на тэму: «Дыскурс сацыяльных сеткавых сэрвісаў».
Пачатак а 19.00.
«Сацыяльная рашотка» – гэта групавая выстава, арганізаваная ў межах праекта «АРТ-СОЦ-ЛАБ» ад арт-лабараторыі «Радыюс» Еўрапейскага каледжа Liberal Arts у Беларусі (ECLAB).
Тэма выставы – ўключэнне і выключэнне чалавека з паўсядзённага жыцця.
Сацыяльная рашотка – гэта шматлікавасць дыскурсаў, гэта імкненне да ахопу ўсёй прасторы жыццядзейнасці чалавека. Тоеснасць паміж бачным і рэальным (рэальным і віртуальным, міфам і побытам) выяўляецца за кошт іх узаемадзеяння.
Групавы праект «Сацыяльная рашотка» разлічаны на тое, каб прадэманстраваць некаторыя агульныя судакрананні грамадскай і прыватнай прастораў, якія валодаюць разнастайнасцю дыскурсаў і функцыямі для іх рэпрэзентацыі.
Удзельнікі: Жанна Гладко, Аляксей Лунёў, Аляксей Талстоў, Сяргей Кірушчанка, Сяргей Шабохін.
Сацыяльны аналітык праекта: Аляксандр Сарна.
Куратар праекта: Ілона Дзяргач.
Уваход вольны!
Мерапрыемства ў Facebook: https://www.facebook.com/events/1627113364171097/
Партнёрамі праекта з’яўляюцца: kalektar.org, 34mag.net, «Будзьма беларусамi», pARTisan, ЦЭХ, vitebsk4.me, «Новая Еўропа», ZНЯТА. Тэхнічную падтрымку праекту аказвае кампанія «Samsung».
