У наступную нядзелю, 14 студзеня, беларусікаў Варшавы клічуць на навагодні лялечны спектаклік «Казачны домік».
Дата: 14 студзеня
Час: 11:00, 17:00, 18:30 (час мясцовы)
Месца: Беларускі Моладзевы Хаб, Dożynkowa, 6a, Варшава
У Кракаве гэты спектаклік так упадабалі гледачы, што зладзілі дадатковы паказ, каб усім хапіла месцаў! То цяпер — у Варшаве!
Падчас спектакля вашых дзетак чакаюць Зайка-трусішка, касалапы Мішка, смелы Пеўнік, хітрая круцілька Ліса і дурны Воўк!
Разам з героямі будзем весяліцца, спяваць, танчыць, дапамагаць героям спраўляцца з цяжкасцямі і нават спячом самага сапраўднага калабка! Рэкамендаваны ўзрост: ад 3 да 9 гадоў
Кошт: дзеткам — 40 злотых, яшчэ брацікам ці сястрычкам — 20 злотых, даросламу — 10 злотых. Бярыце па спасылачцы.
Просяць таксама ўзяць зручны зменны абутак для маленькіх гледачоў і глядачак.
