У суботу, 16 сакавіка, у Беларускім Моладзевым Хабе паказваюць аскараносны дакументальны фільм «20 дзён у Марыупалі».
Дата: 16 сакавіка
Час: 16.00 (час мясцовы)
Месца: Беларускі Моладзевы Хаб, Dożynkowa, 6a, Варшава
«20 дзён у Марыупалі» — дакументальны фільм украінскага рэжысёра і фотакарэспандэнта Мсціслава Чарнова, які паказвае пачатак баявых дзеянняў у Марыўпалі.
Група рэпарцёраў Associated Press прыбывае ў горад за гадзіну да паўнамаштабнага расійскага ўварвання на тэрыторыю Украіны і застаецца там на працягу 20 дзён, фіксуючы ўсё, што там адбываецца (у тым ліку пахаванні мясцовых жыхароў, аблогу і знішчэнне горада расійскімі вайскоўцамі).
На 21 дзень вайны журналісты выехалі з Марыупаля па гуманітарным калідоры. Стужка Мсціслава Чарнова прынесла Украіне першы «Оскар» у гісторыі краіны. Фільм быў уганараваны сёлета ў намінацыі «Найлепшы поўнаметражны дакументальны фільм».
Атрымліваючы ўзнагароду, рэжысёр сказаў: «Гэта першы „Оскар“ ва ўкраінскай гісторыі. Гэта гонар для мяне. Але, верагодна, я першы рэжысёр у гісторыі, які скажа, стоячы на гэтай сцэне: „Хацеў бы я, каб гэтага фільма не было“. Я б аддаў гэтую ўзнагароду, каб Расія ніколі б не нападала на Украіну».
Уваход — па бясплатных квітках. Каб атрымаць квіток, рэгіструйцеся па спасылцы.
