Прэзентацыя кнігі Дзмітрыя Строцава «Как выглядит смерть» у Вільні

У нядзелю, 10 траўня, у краме «Кропка» адбудзецца прэзентацыя кнігі Дзмітрыя Строцава «Как выглядит смерть».

Ёсць падзеі, якія не становяцца ўспамінамі, не адыходзяць у архіў памяці. Яны ляжаць на «працоўным стале» свядомасці — як ты ні змяняесся ў сваім жыцці, як ні перамыкаесся на ўсё новыя і новыя ўзрушэнні.

Яны стаяць перад вачыма, ужываючыся з самымі шчаслівымі перажываннямі, — першыя сведчанні аб трагедыі свету, першыя весткі аб незаменных стратах.

Яны прыйшлі раней, чым словы, яны стаяць за словамі, яны падзяляюць тваю скруху без слоў.

Кнігу Дзмітрыя Строцава «Как выглядит смерть» складаюць чатырнаццаць кароткіх тэкстаў на мяжы паэзіі і прозы, а сам аўтар называе свой твор паэмай.

У кнізе ў храналагічнай паслядоўнасці — ад маленства да старэйшага школьнага ўзросту — расстаўлены падзеі з жыцця аўтара, падзеі выключнай сілы, у якіх ён дакранаўся да трагічнай рэальнасці і якія яго незваротна мянялі.

Тэмы вайны, смерці, гвалту прыходзяць раней усведамлення, уплятаюцца ў тканіну жыцьця дзіцяці, мінскага хлопчыка, не чакаючы яго сталення. І, здаецца, толькі здзіўленая спагадлівасць свету дазваляе герою захоўваць давер і далікатную радасць у сэрцы.

Гэтая кніга «сшытнага» аб’ёму вельмі ўдала аформлена як вучнёўскі сшытак. «Вучнёўскі» дызайн вокладкі максімальна набліжае чытача да «ўзросту» апавядальніка-хлопчыка. І да голасу ўнутранага дзіцяці ў сабе самім.

Уваход, выглядае, вольны.