Прэзентацыя кнігі Мойшэ Кульбака ў Празе
Пачатак: 12.05 (16:00)Канец: 12.05 (17:00)
Božská Lahvice
12 красавіка ў Празе прэзентуюць кнігу Мойшэ Кульбака «Ўсе вершы і паэмы / Ale lider un poemen» — поўны збор паэзіі Кульбака ў ідышскім арыгінале, з транслітэрацыяй і паралельным перакладам на беларускую мову.
Дата: 12 траўня
Час: 16.00 (час мясцовы)
Месца: Božská Lahvice, Bílkova 122/6, Прага
У прэзэнтацыі возьмуць удзел укладальнік і перакладчык Сяргей Шупа, рэдактарка кнігі Ася Фруман (Харкаў/Гамбург), а таксама праскія ідышысты.
Кнігу ў двух тамах выдала праскае выдавецтва «Вясна». Раней у гэтым выдавецтве выйшлі раманы Кульбака «Панядзелак» (2018) і «Мэсія з роду Эфраіма» (2019).
Мойшэ Кульбак — самы вядомы ў свеце літаратар Беларусі, які пісаў на ідышы — у 1928-1938 гадах адной з афіцыйных моваў Беларускай ССР. Народжаны ў Беларусі, ён жыў і тварыў у Вільні, Берліне, Мінску, у 1937 годзе быў арыштаваны і забіты чэкістамі.
