Канцэрт мінскага фолк-рок гурта Re1ikt адбудзецца у TNT Rock Club 3 сакавіка. Гэта будзе першы сольны электрычны канцэрт ў гэтым годзе. Музыкі выканаюць вялікую праграму з лепшых старых песень і кампазіцый з новага альбома «Лекавыя травы».
Альбом «Лекавыя травы» быў прэзентаваны напрыканцы мінулага года ў клубе Re:Public. Дыск ведьмі добра сустрэла публіка, а таксама музычныя крытыкі. На партале Experty.by рэліз прэтэндуе на званне «Альбом года».
Re1ikt – беларускі гурт, які працуе ў напрамках progressive rock, post-rock і alternative rock. Каманда спалучае іх з традыцыйным беларускім песенным фальклорам, які творча пераасэнсоўвае і робіць актуальным для сучаснага слухача. Калектыў з’яўляецца уладальнікам шэрагу музычных узнагарод у Польшчы і Беларусі, выступаў ва Украіне, у Літве, Расіі.
Сольны канцэрт гурта Re1ikt
3 сакавіка, TNT Rock Club (Рэвалюцыйная, 9)
Пачатак: 20:00
Квіткі ў касе клуба: 80.000 руб.
