Запрашаем вас разам адзначыць Народзіны Максіма Багдановіча!
9 снежня а 19 гадзіне прыходзьце ў РТБД на спектакль “Дзённік паэта (Інтымны дзённік)”
У цэнтры ўвагі гледачоў – Максім Багдановіч, «замалёўкі» з яго жыцця, узятыя з неапублікаванага раней інтымнага дзённіка. Якім быў сапраўдны Максім Багдановіч? Чым ён жыў? Пра што марыў? Як уяўляў сабе каханне?
Цікавая драматургічная задумка аўтара падзяляе дзеянне на дзве часткі. Першая з іх дэманструе гледачу жыццё паэта, падзеі, пачуцці і перажыванні, якія ён апісваў у сваім інтымным дзённіку. Другая частка знаёміць нас з лёсам гэтага дзённіка і выносіць на паверхню відавочныя адрозненні стаўлення да чалавечых каштоўнасцяў і шчырых, глыбокіх пачуццяў у нашы дні і стагоддзе таму. Дзякуючы пластычнаму рашэнню і музыцы, спектакль пагружае гледача ў свет самых тонкіх пачуццяў герояў.
Спектакль “Дзённік паэта (Интымны дзённік)” на жаль ідзе вельмі рэдка, і кожны раз шукае свайго гледача. Магчыма, гэта акурат вы? ;-)
Квіткі тут
