Віцебск. Казка “Тук-тук! Хто там?”

22.02.2014 11:00 - 12:30 Беларускі тэатр "Лялька" (Пушкіна, 2) Бясплатнае

ПРЭМ’ЕРА!!!

Казка на 2-е дзеі

Л. Ралчаў

У спектаклі «Тук-тук! Хто там?» маленькія гледачы сустрэнуцца з даўно вядомымі героямі казкі «Воўк і сямёра казлянят»: Казой, казлянятамі і Ваўком. Аднак гэты жартаўлівы спектакль моцна адрозніваецца ад той казкі, якую дзеці ўжо ведаюць. У ёй замест семярых у мамы-Казы будзе толькі трое казлянят, а таксама з’явяцца новыя персанажы — Мядзведзь і Мастак-чараўнік. Дый на сцэне будзе панаваць атмасфера заблытанасці і імправізацыі, бо з-за чыйсьці неаханасці адбылася памылка і артысты сабраліся на рэпетыцыю, а не на спектакль. І толькі дзякуючы згуртаванасці, артыстам і героям казкі атрымаецца выправіць усе памылкі.

«Тук-тук! Хто там?» — яркі лёгкі вясёлы спектакль, які здзіўляе з першай хвіліны прагляду. У тым ліку і песнямі пад жывую музыку: артысты прама на сцэне будуць іграць на акардэоне, сінтэзатары, акустычнай і бас-гітары.


Вам можа быць цікава

Выстава «Арт-Беларусь: скрозь прастору і час» у Гродне

22.08.2025 18:00 - 21.09.2025 20:00 гарадзенская выставачная зала (вул. Ажэшкі, 38)

Ян Клапоцкі ў Мінску

26.09.2025 (19:00 - 21:00) музей Якуба Коласа (вул. Акадэмічная, 5)

Ідрак Мірзалізадэ ў Рызе (18+)

26.09.2025 (21:00 - 22:30) kinoteātris K. Suns (Elizabetes iela 83/85)

Апошняе
на Budzma.org

чытаць яшчэ