Выстава «Адкуль родам знакі на нашых ручніках? Ад „козліка“ да „яблака“» ў Гомелі
13.06.2025 - 03.08.2025
16:00 - 18:00
філіял Веткаўскага музея (пл. Леніна, 4а)
5 рублёў
У пятніцу, 13 чэрвеня, у філіяле Веткаўскага музея адкрываецца выстава «Адкуль родам знакі на нашых ручніках? Ад „козліка“ да „яблака“».
У межах праекта «Адкуль родам знакі на нашых ручніках» музей знаёміць гледачоў з багацейшым арнаментальным фондам, што захаваўся на тэкстылі Пасожска-Падняпроўскага рэгіёна.
Гэтым разам размова пойдзе пра адзін з самых архаічных знакаў нашай традыцыі — касы крыж.
Цесна звязаны з культам нівы, ён можа абазначаць працэс узворвання, памнажэння, або — знак агароджы, абмежавання, закрывання.
Аднак, маючы выразную прыналежнасць да земляробства, касы крыж сягае сваімі каранямі ў глыбокую даўніну першабытных паляўнічых і збіральнікаў. Пераважная большасць традыцый, якія мы паспелі зафіксаваць, дае гэтаму знаку дастаткова зняважлівую, на першы погляд, назву «казёл».
Але чаму тады касы крыж амаль заўжды ідзе ў пары з ромбам — не менш архаічным знакам зямлі?
Ці не пра гэта гаворыць нам тэкст агульнавядомай калядкі «Дзе каза ходзіць, там жыта родзіць»?
І пры чым тут, урэшце «яблак»?
Пра гэта і распавядзе выстава.
Уваход на адкрыццё вольны.
