20 мая 2017 г. у музеі «Дом Ваньковічаў. Культура і мастацтва першай паловы XIX ст.» адкрыецца выстава аўтарскай лялькі Сяргея Драздова «Мужчынскі погляд».
Сяргей Драздоў нарадзіўся ў Ленінградзе, скончыў Ленінградскі горны інстытут. У 2001 годзе пераехаў у Беларусь, працаваў у сферы будаўніцтва, займаўся дызайнам, каваннем.
Тры гады таму Сяргей захапіўся стымпанкам (стымпанк, або парапанк – кірунак навуковай фантастыкі, які мадэлюе цывілізацыю, у дасканаласці засвоіўшы механіку і тэхналогіі паравых машын). Гэтае захапленне і прывяло яго ў свет лялек. Сяргей стварае цэлыя кампазіцыі лялек, механічныя мініяцюры, гістарычныя замалёўкі.
Сяргей – чалавек шматгранны. Сярод яго прац ёсць таксама мадэлі аўтамабіляў на радыёкіраванні і аксэсуары, якія пацешаць самых патрабавальных модніц. А з нядаўніх часоў майстар суправаджае ўсе свае працы невялікімі гісторыямі: «Запіскі пра маіх знаёмых».
Выстава будзе працаваць да 20 ліпеня 2017 г. Уваход на выставу па білеце ў музей.
Даведкі па тэл.: (017) 327 88 78, а таксама на старонцы ў фэйсбуку.