З 1 па 14 сакавіка ў мастацкай галерэі «Універсітэт культуры» пройдзе выстава мастачак Ганны Семілетавай і Галіны Івановай «Горад над срэбнай ракой».
Дата: з 1 па 14 сакавіка
Месца: галерэя «Універсітэт культуры», пл. Кастрычніцкая, 1, Мінск
Назва выставы — «Горад над срэбнай ракой» — з’яўляецца ключом да прачытання творчасці мастачак. У іх карцінах часта прысутнічае выява горада, дома. Дом — сімвал цэнтра свету, абароны, прытулку, ён увасабляе сусвет, касмічную прастору ўсяго існага, сховішча мудрасці чалавецтва і традыцый. Сімвал срэбнай ракі таксама мае сваё асаблівае прачытанне. Яна азначае пераход, падарожжа ў іншы свет, дакрананне да чагосьці звышнатуральнага, пачатак духоўнага пошуку.
