У чацвер, 4 красавіка, у музеі Янкі Купалы адкрываецца выстава «Зямля Леанiда Левіна», якую музей ладзіць сумесна з Творчай майстэрняй архітэктара Леаніда Левіна.
Дата: 4 красавіка
Час: 17.00
Месца: музей Янкі Купалы, вул. Янкі Купалы, 4, Мінск
Праект прысвечаны памяці заслужанага архітэктара Рэспублікі Беларусь Леанiда Левіна (1936–2014).
37 гадоў ён працаваў у Мінскпраекце. Метро «Плошча Леніна» і «Няміга», рэгенерацыя Траецкага і Ракаўскага прадмесцяў, Верхняга горада — у яго скарбонцы.
Выстава прымеркавана да 75-годдзя парка імя Янкі Купалы, дзе насустрач гасцям крочыць Пясняр, струменіць фантан «Вянок».
На вернісажы куратарскую экскурсію правядзе дачка архітэктара Галіна Левіна.
Выстава працуе па 11 траўня.
