У Нацыянальным мастацкім музеі Рэспублікі Беларусь стартуе другі набор на спецыяльны культурна-адукацыйны праект “Арт-азарт”: блогінг у сферы мастацтва для дзяцей.

У цяперашні час складана ўявіць жыццё без камп’ютара, смартфона, тэлефона альбо іншага гаджэта. Сёння такія паняцці, як “блог” і “блогер”, ведае кожнае дзіця. Дзеці праводзяць шмат часу ў інтэрнэце, арыентуюцца на медыйных асоб, імкнуцца быць падобнымі да іх, што выклікае некаторы неспакой у дарослых.

Нацыянальны мастацкі музей у рамках праекта “Арт-азарт” прапануе выкарыстоўваць блогінг для творчай самарэалізацыі дзіцяці і далучэння яго да свету мастацтва.

Курс складаецца з тэарэтычных і практычных заняткаў, падчас якіх дзеці: 

– убачаць найбуйнейшы збор беларускага і замежнага мастацтва;

– пазнаюць сакрэты стварэння шэдэўраў;

– пазнаёмяцца з асновамі журналістыкі, акцёрскім мастацтвам і аратарскім майстэрствам;

– сустрэнуцца з вядомымі беларускімі блогерамі;

– створаць уласны блог у сацыяльных сетках;

– атрымаюць практычныя навыкі па вядзенні блога.

Па заканчэнні навучання кожнаму ўдзельніку праекта выдаецца сертыфікат аб праходжанні курса.

Да ўдзелу ў праекце запрашаюцца дзеці ва ўзросце ад 10 гадоў. Абавязковай умовай з’яўляецца наяўнасць уласнай мабільнай прылады з магчымасцю ўстаноўкі неабходных праграм (акаўнтаў у сацыяльных сетках).

Пачатак курса – 1 жніўня 2019 года, 8 заняткаў у месяц (па аўторках і чацвяргах).

Кошт курса: 48 руб.

Неабходна папярэдняя рэгістрацыя, колькасць месцаў абмежавана!

Дадатковая інфармацыя і запіс па тэлефонах:

+375 17 2202287

+375 33 3376451

Паводле арганізатараў