24 студзеня ў 20:00 «Ахова птушак Бацькаўшчыны» правядзе анлайн-лекцыю пра рукакрылых. Ці ведалі вы, што памеры самага маленькага кажана ўсяго тры сантыментры ў даўжыню, а маса толькі 2 грамы? Гэты від называецца мыш-чмель ці свінаносы кажан (Craseonycteris thonglongyai). Запішыцеся на анлайн-лекцыю з дасведчаным экспертам, каб даведацца яшчэ больш цікавых фактаў з жыцця рукакрылых.
На лекцыі вы зможаце даведацца хто з беларускіх кажаноў перастаў адлятаць на зіму і чаму; якія віды рукакрылых з’явіліся ў нас зусім нядаўна; як адрозніць кажаноў-двайнікоў і якія віды з іх жывуць у Беларусі; хто зімуе ў сутарэннях і як выратаваць «бэтмэна».
Лекцыю правядзе Аляксей Шпак — старэйшы навуковы супрацоўнік Навуковаа-практычнага цэнтра Нацыянальнай акадэміі навук Беларусі па біярэсурсах, старшыня Працоўнай групы АПБ па рукакрылых, нацыянальны эксперт EUROBATS, CITES и IUCN.
Для ўдзелу ў дзікай лекцыі патрэбна атрымаць бясплатны квіток. Спасылка на мерапрыемства прыйдзе на ўказаную пры рэгістрацыі пошту ў дзень лекцыі.
