Падзяліцца карыснымі ведамі, бясплатна атрымаць новы досвед і ўменні змогуць удзельнікі новай асветніцкай праграмы, якая стартуе ў Гродне ўжо гэтай восенню.
“Гарадзенскія Майстэрні Ведаў” – гэта адкрытая пляцоўка, у межах якой кожны чалавек можа заявіць сваю тэму для навучання, і кожны ахвотны – прыняць удзел у навучанні.
Фармат Майстэрняў
На працягу дня ў некалькіх памяшканнях будуць праводзіцца майстар-класы, прэзентацыі, лекцыі, трэнінгі працягласцю 1-2 гадзіны, накіраваныя на атрыманне новых ведаў і кампэтенцыі, якія будуць спрыяць самарэалізацыі чалавека, распрацоўцы і прасоўванню грамадска-карысных ідэй.
Калі пройдуць Майстэрні?
18 верасня, 9 кастрычніка і 6 лістапада 2016 году.
Як стаць удзельнікам Майстэрняў?
Удзел у праграме могуць браць людзі раознага ўзросту, з рознымі інтарэсамі і магчымасцямі. Пры гэтым, Вы можаце удзельнічаць у працы Майстэрняў як у ролі эксперта і ўдзельніка, так і ў абедзьвух ролях.
Калі Вы эксперт у нейкай cферы, хочаце і гатовы перадаць свае веды і ўменні іншым – заяўляйцеся да 28 жніўня ў якасці вядучага/вядучай майстар-класа, лекцыі, трэнінгу, прэзентацыі. Наяўнась досведу выкладання або сфера Вашай дзейнасці не маюць прынцыповага значэння. У першую чаргу, важныя Вашая матывацыя а таксама тэма, якую вы заявіце. Для таго, каб заявіцца ў якасці эксперта, запоўніце, калі ласка, электронную форму.
Вы можаце таксама стаць удзельнікам Майстэрняў, заявіўшыся на адно або некалькі мерапрыемстваў у межах праграмы. Яе фінальная версія будзе складзена пасля таго, як будуць атрыманы заяўкі ад патэнцыйных вядучых мерапрыемстваў.
Падрабязную інфармацыю пра праграму першых Майстэрняў Вы зможаце знайсці на сайце edustudio.by або ў сацыяльных сетках пасля 2 верасня.
Хто з’яўляецца арганізатарам Гарадзенскіх Майстэрняў Ведаў?
Установа “Цэнтр дадатковай адукацыі дарослых “Студыя карысных кампетенцыі”. Мэтай дзейнасці гэтай некамерцыйнай арганізацыі з’яўляецца спрыянне развіццю асобы, атрыманню ведаў і ўменняў, неабходных для жыцця ў сучасным грамадстве і працы на карысць грамадства.
Пра ўстанову чытайце на сайце edustudio.by
Запрашаем таксама далучыцца ў суполкі Майстэрняў у ФБ і ВК.
Больш інфармацыі можна атрымаць у каардынатаркі Майстэрняў – Вольгі Галецкай (Тел. 8-029-255-79-14, e-mail: olga.d.galecka@gmail.com).
Тэгі: Горадня
