Пра гэта аўтар паведаміў на сваёй старонцы ў Facebook. Па-руску кніга выйшла яшчэ ў 2019 годзе. Беларускамоўны варыянт кнігі выдадзены тарашкевіцай. Электронную версію кнігі аўтар выклаў у вольны доступ.
Пра што кніга?
«Наша жыццё — гэта не спрынт "схуднець да лета", а марафон "быць здаровым і энергічным доўгія гады і прадухіліць ранняе старэнне". У харчаванні важна прытрымлівацца залатой сярэдзіны, улічваць навуковыя парады, традыцыйныя практыкі і асабістыя асаблівасці. Ніхто не ведае нас лепш, чым мы самі. Калі да гэтых ведаў дадаць разуменне базавых працэсаў, гэта дапаможа прымаць правільныя і здаровыя рашэнні», — піша аўтар у прадмове да кнігі.
Кніга Андрэя Белавешкіна, лекара, к. м. н., выкладчыка, — гэта збор гнуткіх правілаў, кожнае з якіх можна ўжываць асобна. Правілы рэжыму харчавання, выбару прадуктаў, а таксама псіхалогіі харчавання даюць адказы на самыя важныя пытанні — калі есці? Што есць? І як ёсць?
Хто такі Андрэй Белавешкін?
Доктар Андрэй Белавешкін, кандыдат медэцынскіх навук, былы выкладчык медыцынскага ўніверсітэта спецыялізуецца на навучанні людзей здароваму ладу жыцця.
Таксама аўтар і вядучы навучальных семінараў па рэсурсах здароўя, якія разам складаюць «Школу здароўя», мэта якой — даць любому чалавеку навукова правераныя, зразумелыя і практычныя веды пра здароўе, навучыць чалавека самастойна клапаціцца пра сябе і прымаць слушныя рашэнні простымі і даступнымі спосабамі.
Лекар дае кансультацыі па розных аспектах здаровага ладу жыцця і прафілактыкі, а таксама па развіцці праектаў і тэхналогій (уключаючы IT-тэхналогіі), звязаных са здаровым ладам жыцця.
