Калі вы раптам яшчэ не вызначыліся, як цікава і з карысцю правесці выходныя, мы падкажам. Калядныя імпрэзы ды майстар-класы, канцэрты ды выставы, старанавагодні баль, спектаклі — выбірайце мерапрыемствы ў сваім горадзе і на свой густ!
Крыніца: culture.ru
Беларусь
Мінск і Мінская вобласць
Нацыянальны цэнтр сучасных мастацтваў запрашае на «Крыштальныя Каляды ў Эндзі». Падрыхтавалі тры гадзіны забаў!
Хочаце даведацца, як пройдзе ваш 2023 або атрымаць параду ад карт? Жадаеце зрабіць поп-артаўскага калаж
Майстар-клас па стварэнні поп-артаўскага калажу Разам з арт-дызайнеркай Дарыяй Румянцавай пагрузіцеся ў гісторыю поп-арту: даведаейцеся, што ж асаблівага нясе ў сабе гэты накірунак, стварыце незвычайныя мастацкія калажы з каляровай паперы, кардону і часопісных выразак.
Імпрэза пройдзе ў залах выставы «Жаночы Род», якая з вялікім поспехам праходзіць у Мастацкім музеі, і прымеркавана да апошняга дня яе працы.
У звычайным жыцці кожны з удзельнікаў «Спеўнай майстэрні» займаецца сваёй справай, але калектыў аб’ядноўваюць традыцыйныя спевы і любоў да беларускага фальклору.
Свята «Шчодрык» у Азярцы
У музеі народнай архітэктуры і побыту ў Азярцы працягваюцца калядныя імпрэзы.
Дата: 14 студзеня
Час: з 13.00 да 14.00 (час мясцовы)
Месца: музей народнай архітэктуры і побыту, Азярцо, Мінскі раён
У суботу, 14 студзеня, завітайце сюды на Шчодрык.
Шчодрык, або Шчодрая куцця — вечар з 13 на 14 студзеня, калі гаспадары гатуюць другую (багатую, шчодрую) куццю, бліны з верашчакай і смажанай каўбасой, крупнік.
Шмат часу на Шчодрык надавалі варажбе. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе.
А яшчэ шчадравалі — абыходзілі двары гуртом шчадроўнікаў, спявалі песні-шчадроўкі, услаўлялі гаспадара і гаспадыню.
Гурты «Этнасуполка» і «Скарбніца традыцый» рэканструююць тыя абрады на аснове экспедыцыйных звестак з Палесся!
Кошт квіткоў:
для дарослых — 12 рублёў;
студэнтаў ды школьнікаў — 6 рублёў;
для дашкольнікаў — бясплатна.
Брэст і Брэсцкая вобласць
Старанавагодні баль на сядзібе Нямцэвічаў у Скоках
Дата: 14 студзеня
Час: з 18.00
Месца: сядзіба Нямцэвічаў, в. Скокі, Брэсцкі раён
У суботу, 14 студзеня, на сядзібе Нямцэвічаў, што ў Скоках пад Брэстам, ладзяць старанавагодні баль.
Будуць музыка і танцы канца XIX — пачатку ХХ стагоддзя. А пачнецца баль па традыцыі з паланэза.
Абавязковы дрэскод: для дзяўчат, жанчын — сукенкі ў падлогу, для мужчын — касцюмы.
Замовіць квіткі можна па нумары 54-98-02.
Віцебск і Віцебская вобласць
Спадар Андрэй — кіроўца з Новалукомля, які шмат гадоў вяжа кручком сурвэткі і іншыя вырабы. І на выставе можна пабачыць больш за 100 ягоных твораў, звязаных кручком.
ЗША
Нью-Ёрк
Вас чакае сьвяточная вячэра, калядныя песні, танцы, гульні — і вядома ж, Святы Мікалай з падарункамі для ўсіх дзетак!
Філадэльфія
Абяцаюць выступленні запрошаных спікераў і арганізатараў, жывую музыку і прыемныя гутаркі, прысмакі для дзяцей і ахаладжальныя напоі для дарослых.
Польшча
Варшава
У Музеі Вольнай Беларусі паўтараюць спектакль «Паслядзяцінства», які так упадабалі беларусы Варшавы. Заснаваны ён на дакументальных гісторыях беларускіх ды ўкраінскіх падлеткаў, якія страцілі радзіму і пражываюць няпростую адаптацыю ў чужой краіне. Спектакль створаны акцёрамі-падлеткамі, удзельнікамі тэатральнай майстэрні «Свабоднага тэатра».
Спектакль заснаваны на тэкстах, якія палітвязні агучвалі ў судах і пісалі ў лістах родным. Як цяпер жывуць людзі, якія сядзелі ў турме за выказванне свайго меркавання? Як атрымалася, што пасярод Эўропы парушаецца закон?
Уроцлаў
Туса для беларуса ва Уроцлаве
Дата: 14 студзеня
Час: 18.00 (час мясцовы)
Месца: Stowarzyszenie TRATWA, ul. Legnicka 65, Уроцлаў
У суботу, 14 студзеня, беларусаў Уроцлава запрашаюць на дарослую навагоднюю ялінку-маскарад. Будзе туса для беларуса!
Дрэскод — маскарадны! Апранайце любы вам касцюм - і наперад!
За найлепшыя строі будуць падарункі!
Кошт удзелу — 50 злотых наяўнымі на ўваходзе.
Швецыя
Фрэдэрыксберг
Ганна Янкута і Ігар Крэбс у Фрэдэрыксбергу (Швецыя)
Дата: 14 студзеня
Час: 14.00 (час мясцовы)
Месца: прастора KU.BE, Dirch Passers Allé 4, Фрэдэрыксберг
У суботу, 14 студзеня, беларускія літаратары Ганна Янкута і Ігар Крэбс завітаюць у шведскі Фрэдэрыксберг і чакаюць дзетак і іх бацькоў на казачную святочную сустрэчу!
Імпрэза пасуе дзецям ад 5 да 12 гадоў. Працягласць — 1,5 гадзіны.
Уваход — 50 DKK (Mobilepay 650656 + iмя).
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
