Калі вы раптам яшчэ не вызначыліся, як цікава і з карысцю правесці выходныя, мы падкажам. Выставы, этна-вечарына і квашанне капусты ў гарадах Беларусі, канцэрты, майстар-класы, кніжны кірмаш і беларуская вечарына у Польшчы, Грузіі, Вялікабрытаніі — выбірайце мерапрыемствы ў сваім горадзе і на свой густ!
Крыніца: www.livemaster.ru
Беларусь
Мінск
«Меер Аксельрод. Успаміны пра Менск»: выстава ў Мінску
Выстава прымеркаваная да 120-годдзя Меера Аксельрода і 955-годдзя Мінска. Яна нібы адчыняе дзверы ў горад, які ў час стварэння малюнкаў меў назву Менск на чатырох дзяржаўных мовах, сярод якіх была ідыш. Усе працы захоўваюцца ў прыватнай калекцыі і экспануюцца ўпершыню.
Падрабязней тут.
Экспазіцыя да 100-годдзя з дня нараджэння Алены Васілевіч у Мінску
У Дзяржаўным музеі гісторыі беларускай літаратуры ў Мінску пачала працаваць часовая літаратурна-дакументальная экспазіцыя «Насустрач жыццю, насустрач будучыні», прымеркаваная да 100-годдзя з дня нараджэння беларускай пісьменніцы Алены Васілевіч.
На выставе будуць прадстаўлены матэрыялы з фондаў музея, а таксама асабістыя рэчы, рэдкія выданні, фатаграфіі, мастацкія працы з сямейнага архіва, прадстаўленыя сынам пісьменніцы Уладзімірам Васілевічам.
Гомель
Этна-вечарына з квашаннем капусты ў Гомелі
Этна-вечарына «Хараша капустка на стале...» з песнямі і танцамі. Вазьміце з сабой вашы любімыя дадаткі да капусты: журавіны, брусніцы, яблыкі, перац ды інш. і прыходзьце. Будзе весела і смачна!
Вялікабрытанія
Лондан
Угодкі Слуцкага збройнага чыну ў Лондане
Згуртаванне беларусаў Вялкабрытаніі адзначае ўгодкі Слуцкага збройнага чыну.
Падрабязней тут.
Польшча
Варшава
Беларуская літаратура на Гістарычным кніжным кірмашы ў Варшаве
Будзе шмат свежых беларускіх кніжак і цікавых імпрэз! Завітвайце!
Падрабязней тут.
26 лістапада ў Беларускім Моладзевым Хабе ў Варшаве адбудзецца сустрэча з пісьменнікам Уладзімірам Арловым. Аўтар шматлікіх кніг прозы, паэзіі, гістарычных нарысаў і эсэ, уладальнік шматлікіх узнагарод прапануе для вас: маналог «Як нараджаюцца кнігі» і дыялог з залай; новыя выданні легендарнага «Ордэна Белай Мышы», «Каханка яе вялікасці» і «Танцаў над горадам»; аўтограф сесію з сюрпрызамі. Таксама будзе вялікі кірмаш навінак беларускай літаратуры! Прыходзьце! Будзе цікава!
«Жарсці Караткевіча» ў Варшаве
26 лістапада ў Музеі Вольнай Беларусі ў Варшаве адбудзецца інтэрактыўная чытка «Жарсці Караткевіча» пра аўтара «Ладдзі роспачы».
Падрабязней тут.
Гданьск
Беларуская вечарына ў Гданьску
26 лістапада ў Гданьску пройдзе беларуская вечарына: сустрэча клубу «Мова нанова», прэзентацыя беларускага перакладу кнігі Далі Грынкявічутэ «Літоўцы ля мора Лапцевых» і акустычны канцэрт гурта RELIKT. Далучайцеся!
Падрабязней тут.Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Полаччыны
7 цудаў Лунінеччыны
7 цудаў Шаркаўшчыны: гайд ад «Будзьма!»
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
