Арганізацыя беларусаў у Латвіі SUPOLKA сумесна з Музеем Акупацыі запрашаюць 29 кастрычніка 2022 г. на міжнароднае мерапрыемства прысвечанае памяці ахвяр савецкага тэрору «Ноч расстраляных паэтаў».
У ноч з 29 на 30 кастрычніка 1937 года ў Менску, меркавана ва ўрочышчы Курапаты, былі расстраляныя 108 беларускіх дзяржаўных, культурных дзеячаў і навукоўцаў. Сярод іх 22 літаратары: паэты, празаікі, перакладчыкі, крытыкі.
Арганізатары мерапрыемства запрашаюць далучыцца: — да чытання спісу загінуўшых, — прачытаць вершы расстраляных творцаў, — уразіцца паэзіяй міжваеннага перыяду 20-га ст., — запаліць свечкі, — пакласці кветкі да Мемарыяла ахвярам рэпрэсій.
Тых, хто плануе выступіць на мерапрыемстве ў Рызе, арганізатары просяць запоўніць кароткую форму.
Нагадаем, сёлета беларусы з усяго свету могуць далучыцца да акцыі «Ноч паэтаў»
Дадаць сваю імпрэзу памяці можна праз адмысловую форму на сайце nochpaetau.com.
