На платформе Talaka пачаўся збор сродкаў на стварэнне аўдыёкніг папулярных аўтараў на некамерцыйнай аснове.
![](https://novychas.by/images/audiobook_3106986_960_720.jpg)
«Для практычнай рэалізацыі нашых планаў неабходная канкрэтная сума — 3000 рублёў. У гэтую суму ўваходзіць аплата студыі гуказапісу і паслугі чытальніка», — распавядае заснавальнік дабрачыннага праекта Bookvaval і аўтар праекта «Аўдыё-філантроп» на платформе Talaka Ігар Булгак.
З’яўляючыся інвалідам першай групы Ігар, на жаль, не можа ў адзіночку пацягнуць такі фінансавы груз, а пастаянных спонсараў у праекта пакуль няма. Таму ён вырашыў паспрабаваць сабраць грошы з дапамогай краудфандынга.
Bookvavel задуманы менавіта як бясплатная пляцоўка для агучвання, як асобных кніг, так і кніжных серый. Прычым, выбіралі кнігі для агучкі самі чытачы (слухачы).
Аўдыёкніжкі — зручны, сучасны і практычны варыянт для тых, у каго няма часу і / або сродкаў для пакупкі і чытання звыклых папяровых кніг. А для многіх невідушчых і слабавідушчых людзей гэта наогул адзіны спосаб далучыцца да класічнай і сучаснай літаратуры. Бо аказваецца, не ўсе з іх могуць чытаць шрыфтам Брайля. Узровень адчувальнасці ва ўсіх розны.