«Кніжны воз» агучыў зборнік аповедаў Валера Гапеева пра тонкі свет падлетка «Пастка на рыцара».
«Гэтая кніга выйшла ў 2002 годзе. Але мы, на свой сорам, знайшлі яе толькі цяпер.
«Пастка на рыцара» — гэта зборнік аповедаў пра тонкі свет падлетка, пачуцці, моцныя, дзёрзкія, такія новыя і незразумелыя. Назву зборнік атрымаў паводле аднаго з апавяданняў.
Першае каханне і першае прызнанне, першае сутыкненне з жорсткасцю і зайздрасцю, першыя ўрокі ў дарослым жыцці — пра ўсё гэта гаворыць Валер Гапееў у сваіх апавяданнях.
<...>
Калі вы раптам забыліся альбо яшчэ не ведалі пра маштабы падлеткавага свету, то гэтая кніга для вас», - так анансуе кнігу «Кніжны воз» на сваёй старонцы ў Фэйсбук.
Чытае — Ісай Свістулькін.
Запіс, музыка і апрацоўка гуку — Аляксей Безбарабанаў.
Рэдактарка запісу — Крысціна Дробыш.
«Наперадзе яшчэ некалькі кніг Валера Гапеева, якія выйдуць у аўдыёверсіі на «Кніжным возе»», — напісана на старонцы праекта ў Фэйсбуку.
Паслухаць зборнік аповедаў «Пастка на рыцара» Валера Гапеева можна тут.