«Сусветная прэм’ера з Х’юстана!» — напісаў музыка на сваёй старонцы ў Фэйсбук.
БЯРОЗАВЫ СОК
Музыка В. Басьнера, Словы М. Матукоўскага,
Дапасоўка Сержука Сокалава-Воюша
З кінафільма «Мировой парень».
Як толькі пралеска... Прагляне ізноў
Як неба шугне навальнічнай загрозай
Зьяўляюцца кроплі на станах камлёў
То плачуць бярозы, то плачуць бярозы.
Як часта схмялеўшы ад сонца ў вясьне
Я йшоў як у сьне наўздагадлівым крокам
І шчодра Радзіма паіла мяне
Бярозавым сокам, бярозавым сокам.
Вада ці вагонь, а ці трубная медзь
Праб’емся як продкі да мэты адзінай
Мы служым з табою каб жыць каб умець
На славу Радзіме, на славу Радзіме.
Да прышлых туманаў, да новай вясны,
Дзе вольна бярозы над плынямі гнуцца
Мы мусім з табою бяз шораў маны
Аднойчы вярнуцца, аднойчы вярнуцца
Давер нам, Айчына, прасторы свае,
Таемныя нетры давер нам няўрокам
Спатоль як калісьці, бо моцы стае,
Бярозавым сокам, бярозавым сокам.
