Практычны форум па маркетынгу і сувязям з грамадскасцю “PR-пятніца” вяртаецца ў Мінск
Адзіны ў Беларусі форум па маркетынгу і сувязям з грамадскасцю “PR-пятніца” пройдзе ў Мінску 25 лістапада. Грандыёзная падзея ўжо ў трэці раз збярэ вядучых сусветных экспертаў і ўсіх прафесіяналаў сферы камунікацый для абмеркавання і фармiравання ключавых PR-трэндаў, якія вызначаць будучыню гэтай індустрыі ў краіне. Сёлета мерапрыемства адбудзецца пры падтрымцы Асацыяцыі кампаній камунікатыўных кансультантаў.
Якім чынам эфектыўна ўзаемадзейнічаць з медыя-асяроддзем? Як пісьменна выбудоўваць асабісты PR і PR першай асобы? Як інтэграваныя камунікацыі дапамагаюць дасягаць бізнэс-мэт і змагацца з сучаснымі выклікамі PR? Гэтыя і іншыя шматлікія пытанні будуць раскрытыя спікерамі форума — кіраўнікамі бізнэсу, экспертамі-практыкамі і лідарамі грамадскай думкі. Практычны форум “PR-пятніца” арыентаваны на ўласнікаў і кіраўнікоў бізнэсу, начальнікаў прэс-цэнтраў, аддзелаў маркетынгу і сувязяў з грамадскасцю.
Разам з абмеркаваннем ключавых тэндэнцый удзельнікі форума атрымаюць практычна дастасаваныя кейсы і эфектыўныя свежыя прылады маркетынгу і PR ад Аляксандра Віхрова, расійскага фінансіста, у мінулым — выканаўчага дырэктара па сувязях з грамадскасцю фінансавай карпарацыі “Уралсиб”; Кірыла Аляўдіна, дырэктара па карпаратыўным камунікацыям TELE2; Андрэя Бузіны, заснавальніка агенцтва віруснага маркетынгу № 1 у Расіі “Smetana”, і Арцёма Іванова, крэатыўнага дырэктара агенцтва “Smetana”; Івана Калюжнага, кіраўніка напрамку па працы з сацыяльнымі медыя “Альфа-Банк”; Міндоўга Ардзішаускаса,галоўнага выканаўчага дырэктара VRP “Hill+Knowlton Strategies” — самага вялікага і дасведчанага камунікацыйнага агенцтва Літвы; Алега Барміна, прадпрымальніка, папулярнага блогера, кіраўніка дэпартамента сацыяльных медыя кампаніі “Вымпелком” (“Білайн”).
“Форум PR-пятніца — адзін з рэдкіх для Беларусі праектаў, які з моманту свайго з’яўлення выклікаў найжывую цікавасць прафесійнай аўдыторыі. Зараз гэта ўнікальная пляцоўка для абмену міжнародным досведам. Спікеры форума — прызнаныя прафесіяналы, зоркі PR і карпаратыўных камунікацый, для многіх з якіх Беларусь як краіна, дзе да PR адмысловае стаўленне, стала адкрыццём. Пісьменная і высокатэхналагічная камунікацыя бізнэсу з грамадствам і ўладай — велізарны рэсурс, засваенне якога — шлях да эканамічнага росту Беларусі. Мы радыя быць партнёрамі-суарганізатарамі “PR-пятніцы” і запрашаем усю прафесійную супольнасць далучыцца да форума і гэтым разам, тым больш што сёлета арганізатары падрыхтавалі праграму, якая iнтрыгуе сваім прафесійным узроўнем” — адзначыў старшыня рады Асацыяцыі кампаній камунікацыйных кансультантаў Раман Касціцын.
У 2016 годзе форум пройдзе ў трэці раз. За гэты час мерапрыемства наведалі 360 адмыслоўцаў па маркетынгу і сувязям з грамадскасцю. А ў пул спікераў уваходзілі лепшыя эксперты-практыкі сувязяў з грамадскасцю, у тым ліку віцэ-прэзідэнты IPRA, удзельнікі рэйтынгу дзясяткі лепшых расійскіх экспертаў у вобласці PR ТОР-СОММ.
“Нам прыемна, што “PR-Пятніца” стала вядомай прафесійнай падзеяй, якая кансалідуе супольнасць камунікатараў, задае новыя трэнды галіны і стварае пляцоўку для прафесійнага нэтворкінга. Мы радыя, што заяўкі на ўдзел у форуме сёлета паступаюць не толькі з Беларусі, але і з Украіны, Латвіі і Расіі, што надае дадатковы статус і міжнародны ўзровень форуму”, — пракаментаваў арганізатар форума Зміцер Гмыза.
Арганізатар форума — Камунікацыйная кампанія Grand BS.
За дадатковай інфармацыяй ці арганізацыяй інтэрв’ю са спікерамі, арганізатарамі форума звяртайцеся да Катажыны Волкоўскай, мэнэджэру праекта па тэлефонах (+375 17) 306 08 04, (+375 29) 580 40 83.
Афіцыйны сайт форума: prfriday.by
