Птушыныя праймерыз: падтрымай аднаго кандыдата на птушку 2023 года

На сайце грамадскай арганізацыі «Ахова птушак Бацькаўшчыны» (АПБ) пачалося анлайн-галасаванне за кандыдата, які пазмагаецца за званне птушкі 2023 года. 


Большой баклан Виталий Некрашевич.jpg
   Вялікі баклан, фота: Віталь Некрашэвіч

Прагаласаваць можна за адзін з пяці відаў дзікіх птушак, якія беларусы прапанавалі для ўдзелу ў «птушыных праймерыз» праз адкрытую гугл-форму. Вось гэтыя птушкі: вялікі баклан (большой баклан), шэрая варона (серая ворона), звычайная чаротаўка (камышовка-барсучок), вялікі савук (большой крохаль), таўстадзюб (дубонос).

Большой крохаль Виталий Некрашевич.jpg
  Вялікі савук, фота: Віталь Некрашэвіч 

Аляксандр Вінчэўскі, дырэктар АПБ:

— Летась мы ўпершыню правялі праймерыз для выбару Інтэрнэт-кандыдата. Вылучэнне ў два этапы добра спрацавала, і гэты кандыдат выйграў выбары на з’ездзе і на сёння з’яўляецца птушкай года Беларусі!

Дубонос Инна Шкурко 4.jpg
Дубонос, фота: Іна Шкурко 

Прагаласаваць можна па спасылцы да 30 студзеня ўключна. Там жа можна даведацца, чаму каманды падтрымкі прапанавалі для ўдзелу ў праймерыз менавіта гэтых птушак.

Камышовка-барсучок Инна Субботина.JPG
  Чаротаўка-барсучок, фота: Іна Субоціна 

Кандыдат, які набярэ найбольш галасоў, 5 лютага пазмагаецца за званне птушкі 2023 года з двума іншымі відамі, намінаванымі арнітолагамі. Выбары птушкі 2023 года пройдуць падчас з’езду сябраў арганізацыі, які будзе праводзіцца анлайн у лютым.

Серая ворона. Инна Шкурко.jpg
  Шэрая варона. фота: Іна Шкурко