Улады збіраюцца ліквідаваць Таварыства беларускай мовы

21.08.2021 Грамадства Грамадскі сектар

Улады хочуць ліквідаваць Таварыства беларускай мовы (а разам з ім — газеты «Новы час» і «Наша слова»), паведамляе «Вясна».

Паколькі ТБМ з’яўляецца заснавальнікам газет «Новы час» і «Наша слова», у выпадку ліквідацыі як юрасобы, Мінінфарм павінен будзе ануляваць пасведчанне газет аб дзяржрэгістрацыі ў якасці СМІ.

Разгляд позвы аб ліквідацыі Таварыства прызначаны на 27 жніўня.