Зараз рэстаўратары дапрацоўваюць заходні схіл, а пасля зоймуцца паўднёвым. Гэта апошні крок ў аднаўленні даху сінагогі, піша hrodna.life са спасылкай на на Facebook-старонку маёнтка.
Аднаўленне сінагогі ў Ізабеліне. Фота: Facebook-старонка маёнтка «Падароск»
Аднаўляць сінагогу ў Ізабеліне пачалі ў лістападзе 2024. Сцены будынка ўмацавалі і зрабілі часовы драўляны дах. У жніўні 2025 рэстаўратары пачалі змяняць часовы дах на сталы — ён ужо не зменіцца падчас будучых будаўнічых работ.
Сінагога ў Ізабеліне. Фота: Facebook-старонка маёнтка «Падароск»
Мураваную сінагогу ў Ізабеліне пабудавалі у XVIII стагоддзі ў часы ВКЛ. У апошнія дзесяцігоддзі сінагога разбуралася і прыходзіла ў заняпад. Тады яе аднаўленнем заняліся валанцёры.
Будынак належыць турыстычнаму прадпрыемству «Маёнтак Падароск».
