Прэзентацыя адбылася 27 ліпеня ў канцэртнай залі горада.

Гэтую п’есу Марына Танона і Наталля Каравацкая напісалі 13 гадоў таму, калі працавалі ў сельскай школе ў Балаях. Там жа адбылася і першая яе пастаноўка.

У п’есе распавядаецца, як вясковы мужык Васіль выгнаў з хаты сваю жонку Насту і просіць дзядка-чараўніка даць яму лепшую: прыгожую, маладую і каб да яго не чаплялася. Дзядок даў яму тры спробы. І ўсе кандыдаткі нечым не падабаліся Васілю. У канцы ён звяртаецца да самога Бога. Бог дае яму шанс выбраць жонку з некалькі кандыдатак, у якіх закрытыя твары. І Васіль выбірае сваю Насту, што яго вельмі абрадавала.

Галоўную ролю ў п’есе сыграў Яўген Леўшын. Яго ігра вельмі спадабалася гледачам, хаця па яго словах, ён упершыню выступаў на сцэне ў якасці самадзейнага актора. Асабліва выкананне твора спадабалася Марыне Таноне, якая прысутнічала ў залі і была ў захапленні ад выканання свайго твора.

Галоўным арганізатарам пастаноўкі гэтага твора была супрацоўніца Пастаўскай дзіцячай бібліятэкі Людміла Сяменас. Акторамі выступілі сябры пастаўскай суполкі ТБМ. Яны крыху адаптавалі твор пад сучаснасць.

westki.info