17-18 сакавіка адбудзецца шэраг мерапрыемстваў, прысвечаных наданню гораду Магдэбургскага права 17 сакавіка 1597 г. Сярод іх лекцыі аб гісторыі, бясплатныя экскурсіі, паказальныя выступы рэканструктараў і канцэрт гурта “Стары Ольса”.

Ініцыятыва адзначэння важнай гістарынай даты належыць кіраўніку народнага клуба гістарычнай рэканструкцыі “Варгенторн” Сяргею Бабенка. “Перыяд існавання Магдэбургскага права ў Віцебску – значная частка гарадской гісторыі, якой надаецца не так шмат увагі. Менавіта таму паўстала ідэя не толькі адзначыць дату, калі Віцебск атрымаў права на самакіраванне, але ў цэлым звярнуць увагу гаражан на гісторыю і культуру горада тых часоў. Спадзяемся, іншыя беларускія гарады падхопяць ініцыятыву і, з цягам часу, мы будзем мець серыю святаў па усё краіне”, – адзначае Сяргей Бабенка.

Арганізатары абяцаюць правядзенне мерапрыемстваў цягам усяго года.У планах– арганізацыя адкрытых лекцый па гісторыі Віцебска, конкурс для дызайнераў на адаптацыю гістарычнай сімволікі для вырабу сувеніраў, правядзенне круглага стала сярод спецыялістаў-гісторыкаў і шмат іншага.

Падрабязную інфармацыю пра мерапрыемствы 17-18 сакавіка вы можаце даведацца па тэллефоне: +37525 9133876

Права на самакіраванне актыўна выкарыстоўвалася гарадамі Вялікага Княства Літоўскага ў 14-18 стагоддзях і спрыяла іх развіццю ў эканамічнай і культурніцкай сферах.

Тэгі: Віцебск