Гродзенскі музей гісторыі рэлігіі падрыхтаваў падборку самых цікавых паркаў абласнога цэнтру. У гэта складана паверыць, але некаторым з іх ужо амаль па 300 год.

Парк каля палаца Валіцкага

Упэўненыя, што нават многія гродзенцы не зусім разумеюць, дзе знаходзіцца гэты палац. Гэта амаль у цэнтры горада.

Парк заклалі ў другой палове XVIII стагоддзі, калі ўзводзілі палац. У нашыя дні рэшткі парка ўсё яшчэ месціцца над вуліцай Горкага, там ёсць некалькі старых дрэваў.

Каложскі парк

Паркам гэтае месца сталі называць у савецкія часы, а раней... Спачатку на гэтым месцы размяшчалася капішча — язычніцкі храм. У XII стагоддзі тут узвялі самы стары праваслаўны храм у нашым горадзе.

Уяўляеце, якую гісторыю захоўвае гэтае месца?

Румлёва

Калісьці румлёўскія землі ўваходзілі ў склад Гродзенскай пушчы, гэта было 1000 год таму. У XVIII стагоддзі гэтай тэрыторыяй валодалі прадстаўнікі роду Радзівілаў, яны першымі заклалі парк.

У Румлёва часта бывала Эліза Ажэшка — наведвала маму.

Падчас вайны ў Румлёва размяшчаўся канцлагер. А воданапорная вежа — адзіная пабудова ў парку, якая дайшла да нашых дзён.

Аўгустова

Гэта на вуліцы Рэпіна ў Гродне. Калісьці там размяшчалася рэзідэнцыя Станіслава Аўгуста Панятоўскага — апошняга караля Рэчы Паспалітай. Побач заклалі парк, па якім любіў гуляць кароль.

Да гэтага часу захавалася сістэма паркавых сажалак. Іх засталося толькі дзве, яны не злучаны каналамі.