Шаноўныя нашыя сябры кампаніі “Будзьма беларусамі!”
Віншуем са святамі і зычым, каб 2016-ы стаў для кожнага годам здзяйсненняў! Хай згадаецца, дадумаецца і рэалізуецца ўсё, што вы раней адкладалі да “святога ніколі”!
Для гэтага новы высакосны год нават дорыць усім нам яшчэ адзін дадатковы дзень! Дык выкарыстаем усе магчымасці 2016 года напоўніцу!
Аляксандар Памідораў – “Вясёлых святаў”
Як сведчыць гісторыя, самыя напружаныя, крызісныя часы заўсёды падштурхоўвалі да новых адкрыццяў і вынаходніцтваў! Зычым, каб складанасці вас не скарылі, каб гарэў і не згасаў імпэт ствараць, здзіўляць, радавацца самім і радаваць іншых новымі праектамі і ідэямі!
Хай і ў 2016 годзе нашая старажытная багатая культура стане для вас невычарпальнай крыніцай натхнення!
Будзьма аптымістычнымі!
Будзьма стваральнымі!
Будзьма разам!
