«Беларусьфільм» прыступіў да здымак новай карціны «Чорны замак» паводле рамана Уладзіміра Караткевіча. Прэм’еру абяцаюць вясной наступнага года. Сюжэт карціны часткова перанесены ў наш час, паведамляе СТВ.
Падзеі фільма часткова перанесены ў сучасныя рэаліі. У цэнтры сюжэту — малады прафесар Антон Косміч, які апынуўся уцягнуты ў дэтэктыўна-містычныя падзеі XVII стагоддзя, і цяпер яму трэба будзе разгадаць таямніцу мінулых тысячагоддзяў.
Па словах аўтара сцэнару Глеба Шпрыгава, першапачаткова ў сцэнары былі прапісаны пяць часовых пластоў, якія ўдалося звесці да двух: адзін з іх — наш час: «Мне падалося, што сама кніга не старэе, яна досыць сучасная. І мне было цікава ўбачыць гэта ў нашых рэаліях, з нашымі героямі, з маладымі людзьмі».
Ён дадаў, што карціну разлічваюць выпусціць у кінатэатральны пракат вясной 2024 года, галоўная аўдыторыя — ад 12 да 35 гадоў.
На «Беларусьфільме» ўжо здымалі карціну паводле рамана «Чорны замак Альшанскі»: гістарычны дэтэктыў Міхаіла Пташука выйшаў на экраны ў 1984 годзе. Тады ўсе натурныя здымкі прайшлі за межамі краіны, гэтым разам здымаць будуць у Беларусі. Маршрут пабудаваны з трох дзясяткаў лакацый. У кадры пакажуць многія архітэктурныя помнікі: касцёл Святой Веранікі ў вёсцы Селішча, сядзібу Чапскіх у Прылуках, Мірскі замак.