Андрэй Пакроўскі прэзентуе сваю першую кнігу “Як я перастаў верыць у Дзеда Мароза”
Пачатак: 23.11 (18:30)Канец: 23.11 (20:00)
Кнігарня "логвінаЎ"
Каб адсвяткаваць надыход Новага году, неабавязкова чакаць да снежня. Прыйсці з сябрамі на свята можна ўжо ў найбліжэйшую пятніцу.
Андрэй Пакроўскі прэзентуе сваю першую кнігу “Як я перастаў верыць у Дзеда Мароза”, якая выйшла ў падсерыі “Пункт адліку” серыі “Кнігарня пісьменніка” ГА “Саюз беларускіх пісьменнікаў” у выдавецтве “ЛогвінаЎ”.
У прэзентацыі, якая пройдзе пры падтрымцы кампаніі “Будзьма беларусамі!”, возьмуць удзел Павел Анціпаў, Кірыл Дубоўскі, Віялета Пачкоўская, Уладзь Лянкевіч, а таксама старшыня СБП Барыс Пятровіч.
Чакаецца навагодняя елка!
Імпрэза пачнецца 23 лістапада ў 18.30 у галерэі “Ў” па адрасе: Мінск, праспект Незалежнасці, 37А і скончыцца аўтограф-сесіяй аўтара ў кнігарні “логвінаЎ”.
Дэбютную кнігу Андрэя Пакроўскага склалі кароткія апавяданні, якія напоўніцу раскрываюць тэму Дзеда Мароза, тэму ровара, тэму Антона, які насамрэч Андрэй, і шмат іншых важных для пісьменніка тэмаў, актуалізуюць праблемы кубка кавы і тралейбуса.
Пра аўтара:
Празаік і мастак. Нарадзіўся ў Гародні, цяпер жыве ў Мінску. Лаўрэат конкурсаў беларускага ПЭН-Цэнтра. Сябе пісьменнік характарызуе так: “Характар блізкі да нардычнага, вытрыманы. З 2004 году бездакорна служыць беларускай літаратуры. Бязлітасны да ворагаў мадэрнізму”.
У падсерыі “Пункт адліку таксама выйшлі” кнігі:
Анка Упала “Дрэва энталіпт”,
Кацярына Зыкава “Объяснительная”,
Кірыл Дубоўскі “Хороший роман”,
Наста Манцэвіч “Птушкі”.
