Літаратура Анлайн
Канец: 03.09 (18:00)
анлайн
Анлайн-гутарка пра Юльюша Славацкага
Пачатак: 03.09 (16:00)Канец: 03.09 (18:00)
анлайн
У аўторак, 3 верасня, у межах цыклу «Санаторый пад клепсідрай» паэт Андрэй Хадановіч прапануе абмеркаваць творчасць польскага рамантыка Юльюша Славацкага.
Дата: 3 верасня
Час: 16.00 (час мінскі, гэта 15.00 па Варшаве і 16.00 па Вільні)
Месца: старонка «Прасторы польскай культуры»
Разам з перакладчыкам Лявонам Баршчэўскім пачытаюць фрагменты кнігі «Кардыян» у арыгінале і ў перакладзе, а таксама паразважаюць пра:
унікальнасць Славацкага ў гісторыі польскага і еўрапейскага рамантызму;
гісторыю «Кардыяна», загадкі твору і легенды пра яго;
слабасць і сілу Кардыяна, інтэлектуальныя пошукі і духоўнае сталенне героя;
паўстанне 1830-1831 гг. і анатомію яго паразы ў творы;
беларускія пераклады Славацкага ў ХХ ст. і сёння: ад Уладзіміра Дубоўкі да Лявона Баршчэўскага.
Проста далучайцеся да трансляцыі на старонцы «Прасторы польскай культуры» ў прызначаны час.
