Анлайн-лекцыя «Кот як код: ад міфалогіі да аватарак»

26 траўня «Вольная мова» ладзіць анлайн-гутарку, прысвечаную — коцікам! Пра значэнне ката ў фальклоры распавядзе слынная фалькларыстка Таццяна Валодзіна.

---

Дата: 26 траўня

Час: 20:00 (час мінскі)

Месца: Zoom

За апошнія дзясяцігоддзі каты занялі асаблівае месца ў гарадскім асяроддзі і разам з тым у жыццёвай прасторы сучаснага беларуса. Вясковыя ідыліі з паласатай коткай, якая ганяе мышэй і туліцца ля печы, змяніліся актыўным уключэннем ката і кацінай выявы ў інтэрнэт-прасторы.

Як самі жывёлы, так і іх выявы і нават уласна лексема кот атрымалі важкую функцыю ў сённяшняй камунікацыі. Можна з упэўненасцю канстатаваць: сёння кот — як код, як сродак і інструмент выказванняў і перажыванняў.

У лекцыі асаблівая ўвага будзе нададзена статусу і ролі ката ў міфапаэтычнай мадэлі свету беларусаў, з якіх і выраслі асобныя з сучасных трэндаў.

Для ўдзелу рэгіструйцеся па спасылцы.