Літаратура Анлайн
Канец: 21.10 (20:00)
анлайн
Анлайн-лекцыя Ульяны Верынай «Зямля абяцаная і яе прывіды: літаратурная прастора Беларусі ў транснацыянальным бачанні (1920-я — пачатак 1930-х гг.)»
Пачатак: 21.10 (18:00)Канец: 21.10 (20:00)
анлайн
У панядзелак, 21 кастрычніка, даследчыца Ульяна Верына чытае анлайн-лекцыю «Зямля абяцаная і яе прывіды: літаратурная прастора Беларусі ў транснацыянальным бачанні (1920-я — пачатак 1930-х гг.)» у межах Беларускага калоквіўму.
Дата і час: 21 кастрычніка ў 18.00 (час СЕТ, гэта 19.00 па Мінску і Вільні)
Месца: зум
Ладзіцца ён кафедрай публічнай гісторыі FernUniversität Hagen у супрацоўніцтве з Беларускім інстытутам публічнай гісторыі, Еўрапейскім гуманітарным універсітэтам, Інстытутам Гердэра ў Марбургу і Універсітэтам Брэмена.
Росквіт і адраджэнне ці разбурэнне і заняпад?
Пісаць пра перыяд 1920-х і пачатку 1930-х гадоў без выкарыстання метафар складана, і найбольш прыдатным вобразам можа быць прывід — тое, што прысутнічае і адсутнічае адначасова.
У 1920-я гады ствараліся ўніверсітэты, выдаваліся кнігі на розных мовах, адчыняліся тэатры — аднак уся дзейнасць была цалкам кантраляванай і цэнтралізаванай.
Паняцце «адраджэнне» было забаронена, а «незалежнасць» партыйнае кіраўніцтва абмяркоўвала ў спецыяльным дакладзе.
Спадарыня Ульяна прапануе погляд на літаратурны ландшафт Беларусі 1920–1930-х гадоў па-за рамкамі нацыянальнай гісторыі літаратуры праз транснацыянальную прызму.
Такім чынам, карціна літаратурнага працэсу не толькі дапаўняецца небеларускамоўнай літаратурай, але і ў новым святле прадстаўляе літаратурныя плыні гэтага перыяду.
Удзел вольны. Далучайцеся ў адпаведны час па спасылцы.
