Анлайн-сустрэча з Віктарам Марціновічам

У чацвер,10 ліпеня, адбудзецца анлайн-сустрэча з пісьменнікам Віктарам Марціновічам «Беларусь пад іншым небам. У пошуках роднага мастацтва ў музеях Нью-Ёрка». 

Спадар Віктар запрашае на прэзентацыю-вандроўку па нью-ёркскіх музеях у пошуках нечаканых кантактаў з родным мастацтвам.

 Гісторык мастацтва жыве не ў Брукліне ці на Манхэтане — гісторык мастацтва жыве ў музеі. 

Знайшоўшы сябе ў тлуме самага ажыўленага гораду на Зямлі, ён будзе думаць не пра тое, дзе лепшая піца: у Joe’s на 14-й стрыт, альбо ў Joe’s на Фултан. 

Ён будзе высвятляць, як зрабіць сабе сталую праходку да карцін, на якія дужа багаты гэты горад, бясплатна і без рэгістрацыі, на бліжэйшыя шэсць месяцаў. 

Калі ўсе патрэбныя хінты для доступу ў музей будуць знойдзеныя, ён паглыбіцца ў МoМA, Гугенхайм і МЕТ у пошуках таго, што складае сэнс ягонага жыцця — алейнага жывапісу і — крыху меней — графікі і скульптуры. 


Падчас сустрэчы абмяркуюць: 

 Чым адрозніваюцца еўрапейскія мастацкія музеі ад амерыканскіх? 

 Што такое н’ю-ёркская арыентаванасць на калекцыянераў і часовыя экспазіцыі? 

 Чаму беларусы і беларускі ў Нью-Ёрку рана ці позна імкнуцца трапіць у Клойстэрс? 

 Як знайсці ў Цэнтральным парку статую віцебскага князя? 

Удзел вольны. Рэгіструйцеся па спасылцы.