У нядзелю, 11 снежня, у беларускай царкве Лондана ладзяць батлейку!
Дата: 11 снежня
Час: 15.00 (час мясцовы)
Месца: Беларуская царква, Marian House, Holden Ave, London N12 8HY
Традыцыйна батлейку Скарынаўскай бібліятэкі адкрываюць штогод, калі набліжаюцца Каляды.
На адзін вечар чароўныя батлеечныя лялькі пераязджаюць у суседні Marian House і ажываюць у руках нязменнага батлейшчыка Паўла Шаўцова.
У калекцыі 16 лялек, якія ўвасабляюць персанажаў традыцыйнай беларускай батлейкі: тры Каралі, цар Ірад, Ваяка, Каза, Анёл, Рахіль, Сьмерць і іншыя.
Лялькі былі створаныя беларускай мастачкай Аленай Ткачовай і прыехалі з Беларусі ў Брытанію ў 2004 г.
Сёлета батлейку абяцаюць незвычайную, бо адначасова будзе сьвяткавацца і 25-годдзе «Народнага альбома».
Уваход вольны! Прыходзьце глядзець і спяваць!
