9 снежня, пятніца, 19.00
Beat Cafe. Яўген Кучмейна (словы, голас, гітары, шамаценне і шоргат, лупы, біты).
Яўген Кучмейна (вядомы таксама як «.К») – лепшы з нашых новых шаманаў гуку. Жыве ў Іўі, слухае гранж, нойз і чорнае кабарэ, піша нэрвовыя акустычныя мантры з закосам то ў Bauhaus, то ў «Аўкцыён», то ў вар’яцкае бельканта. Спявае на трох мовах: рускай, беларускай і ўласнага вынаходніцтва. Кучмейна збірае сябе сам – непасрэдна падчас канцэрту – і падключаецца да глабальных трэндаў наўпрост. У спецыяльнай праграме для праекту Beat Café – спевы і чытанне, сплаўленыя ў агульную плынь пад назвай «Бок Б».
Кавярня “Утопія 60”, вул. Леніна, 9. Пачатак а 19.00. Уваход вольны.
