У аўторак, 10 студзеня, зноў у Труймясце танчаць! Гэтым разам яшчэ і ажэняць Цярэшку, хто б ён ні быў!
Дата: 10 студзеня
Час: 18.30 — адчыняецца бар, 19.00 — пачынаюцца танцы(час мясцовы)
Месца: PASZCZA LWA, ul. Kwietna, 39, Гданьск
«Жаніцьба Цярэшкі» — традыцыйная гульня з Падзвіння, у якую гулялі ў корчмах і на вечарынках акурат у калядны час.
Сутнасць яе — неўзапраўду «перажаніць» паміж сабой мальцаў з дзеўкамі. З цалавацельнымі гульнямі. Такі традыцыйны беларускі афлайн-ціндар. Калі вы ўжо жанатыя, можаце «пажаніцца» зноў адно з адным, а можаце пайсці ў разгул і «пажаніцца» жарту дзеля з кімсьці іншым.
Гэтым разам будзе троху менш танцаў, чым звычайна, а больш лявоніхі і знаёмстваў.
Карчма, піва, добры настрой, дуда, скрыпка, акардэон, бубен, мальцы, дзеўкі, прыемная кампанія і кардыёнагрузкі гарантаваныя.
Магчымыя адхіленні ў танцы іншых народаў: украінскія, літоўскія, латышскія, польскія і г. д.
Для ўдзелу не трэба танцавальнай падрыхтоўкі, усё раскажуць і пакажуць на месцы.
Кошт — 20 злотых наяўнымі. У яго ўваходзіць напой у бары на 10 злотых.
Адзначайцеся ў падзеі на фэйсбуку.
