У суботу, 21 студзеня, музей народнай архітэктуры і побыту ў Азярцы запрашае на бясплатную экскурсію, прысвечаную святу Вадохрышча. Вам патрэбна будзе толькі набыць квіток у музей.
Дата: 21 студзеня
Час: з 14.00 да 15.00 (час мясцовы)
Месца: музей народнай архітэктуры і побыту, Азярцо, Мінскі раён
Падчас Калядаў вылучаліся тры кропкі гэтага вялікага свята — тры куцці. Апошняя куцця, званая Поснай ці Вадзяной, супадае са святам Вадохрышча.
Абаронныя і гаючыя якасці надаваліся ў гэты дзень вадзе, узятай з рэчак і крыніц. Вялікая роля адводзілася абаронным рытуалам, якія павінны былі засцерагчы дом і гаспадарку ад злога вока ды нячыстай сілы.
Вас чакае:
Расповед пра хрысціянскія і народныя традыцыі свята;
Расповед пра традыцыйныя святочныя стравы;
Варожбы!
Кошт квіткоў:
для дарослых — 9 рублёў; студэнтаў ды школьнікаў — 5 рублёў; для дашкольнікаў — бясплатна.
