9 траўня, на тыдні бібліятэк, у варшаўскай бібліятэцы MDM адбудзецца святкаванне Дня народзінаў Жыветэкі і беларускі вечар.
Жыветэка — праект варшаўскай беларускі Аляксандры Гушчы, якая стварыла ў бібліятэцы MDM беларускую палічку і папаўняе яе з дапамогай данатаў. На вечарыне Аляксандра распавядзе пра праект. Выступяць таксама Хрысціна Дробыш, акторка, адна з пачынальніц праекта «Кніжны воз», з акторам Алегам Гарбузом — яны будуць чытаць урыўкі з «Віня-Пыха». Фалькларыстка Алена Ляшкевіч прэзентуе сваю навукова-папулярную кнігу «Традыцыйны каляндар. Нарысы», якая папоўніць палічку Жыветэкі. Яшчэ будуць традыцыйныя беларускія гульні для дзяцей і дарослых.
Дата: 9 мая
Час: 17.30
Месца: Бібліятэка MDM (Варшава, Marszałkowska 55/73)
